Acquacalda 25.Juli - 1.August 08

Früeh simer lostuckeret am Fritigmorge. Uf Andermatt es Kaffi go trinke und vom Feischter us euse Klapf agstuunet. Über de Oberalp uf Disentis, zimli sehr gemütlich da de Tchova sich nöd über en so höche Berg jage loht. Aber nizi gohts fix. Äne ue über de Lukmanier wieder sehr gemächlich mit traumhafte Blick über Stock und Stei. Uf de andere Siite nüm viel abe isch scho de Campingplatz in Acquacalda zwüsche imposante Berge und eme Bergbach.

Für de Gnuss vo meh Föteli nur ufs Album klicke und scho goht de Wunsch in erfüllig...

27. Juli 2008 Acquacalda

Hüt simer go wandere!!! Was???!!!! Dä Flo gaht freiwillig go wandere!!!

Oh ja, hüt usnamswies, und s hätt em sogar gfallä. Idä sogenannt (nach Prospäkt) schönstä Arven-Wäldern häts durchuus schöni örtli gäh.

Zerscht isches uf'd Passhöchi vom Lukmanier gangä, und dänn hinänumä, det wo's schön isch. Ä herrlichi Ussicht und wunderschöni Natur hämmer törfä gnüssä. Und grad womer zum Auto zrugg choh sind häts ahfangä rägnä. "Supper timing, gäll..."

Da no äs par Iedrück vo dä Wanderig:

D Sarah am Teeli trinkä

Äs Steidings...

Das Loch ohne Boden

Und d Sarah vo drususächläderet...

 

De Flo wo scho dobe wartet...

Bis zum nöchstä ietrag

Abraço Sarah und Flo